Newcastle - Wigan

Newcastle - Wigan

Steve Bruce og lærisveinar hans í Wigan mæta á St James´ Park á morgun kl 15:00. Af leikmannmálum hjá Newcastle er það að frétta að Steven Taylor hefur ekki jafnað sig á nárameiðslum og verður ekki með. Það eru ekki góðar fréttir því Cacapa náði engan vegin að fylla skarð hans í leiknum gegn Fulham um síðustu helgi. Joe Kinnear þarf að velja á milli Cacapa og Bassong í vörnina með Coloccini og vona ég innilega að Bassong verði fyrir valinu. Michael Owen er orðinn leikfær og vona ég einnig að hann verði í byrjunarliðinu á kostnað Ameobi, við þurfum bara að fá Owen í form því eins og menn vita þegar hann er í góðu formi þá skorar hann alltaf mörk. Og þó hann sé helmingi minni en Ameobi þá er hann mun betri skallamaður en hann.Mark Viduka byrjaði að æfa í dag (sjá mynd) en það eru nokkrar vikur í að hann verði klár í slaginn. Hann hefur ekki spilað síðan á síðasta degi síðustu leiktíðar. Joe Kinnear í viðtali á heimasíðu Newcastle: "Þetta er leikur sem við verðum að vinna, það er enginn vafi. Við verðum að vinna heimaleikina okkar og vonandi fáum við góðan stuðning frá stuðningsmönnum okkar. Ég hef verið mjög hrifinn af stemmingunni hér á St James´ Park og við þurfum á því að halda aftur á morgun".

Leikur liðanna á síðasta tímabili endaði með 1-0 sigri okkar manna og var það Michael Owen sem skoraði sigurmarkið á lokamínútum leiksins.

Fyrrum leikmaður Newcastle Titus Bramble spilar væntanlega með Wigan og vonandi verður hann í því formi sem við þekkjum hann best fyrir ;)

Leikmannahópur Newcastle:

Given, Harper, Beye, Enrique, Bassong, Coloccini, Cacapa, Edgar, Butt, Barton, Guthrie, Duff, Gutierrez, Geremi, Ameobi, Owen, Martins, Carroll.

Dómari leiksins verður Andre Marriner.

(Friðrik Bergmanns vefstjóri www.newcastleis.com)

Fulham - Newcastle á sunnudaginn

Fulham - Newcastle

Craven Cottage

Sunnudaginn 9 nóv kl 16:00

Joe Kinnear mun að öllum líkindum stilla upp óbreyttu liði frá síðasta leik gegn Fulham á sunnudaginn. Michael Owen þarf þá að sætta sig við að verma varamannabekkinn en hann hefur náð sér að fullu eftir nárameiðsli. Það eru engin ný meiðsli í leikmannahóp Newcastle, þannig að hópurinn er nokkuð góður. Obafemi Martins hefur vaknað til lífsins í síðustu tveim leikjum og skorað þrjú mörk og vonandi verður framhald á því.

Joe Kinnear: "Tveir sigrar í röð hjá okkur haf gert mikið fyrir sjálfstraust leikmanna. En nú er ný áskorun fyrir okkur, að taka sex stig í næstu tveim leikjum, gegn Fulham og Wigan. Þetta verður erfitt gegn Fulham en við góða möguleika á sigri. Maichael Owen æfði aðeins í tvo daga í síðustu viku og hann hefur æft betur þessa viku. Hann mun kama við sögu og ef við náum 45 mínútum eða hálftíma út úr honum þa´gerum við það. Við verðum að fara varlega með Michael". 

Með Fulham leikur fyrrum leikmaður Newcastle Aaron Hughes, en hann spilaði 278 leiki fyrir Newcastle á árunum 1997-2005 en hann var svo seldur til Aston Villa í maí 2005.

Leikur liðanna á síðasta tímabili endaði með sigri okkar manna 0-1 og var það enginn annar en Joey Barton sem skoraði sigurmarkið úr vítaspyrnu á síðustu mínútu leiksins.

Leikmannahópurinn:

Given, Harper, Beye, Enrique, Bassong, Taylor, Coloccini, Cacapa, Edgar, Butt, Guthrie, Barton, Duff, Jonas, N'Zogbia, Ameobi, Martins, Owen, Xisco.

Dómari leiksins verður Martin Atkinson.